Bures boahtin Stáhta mearalaš dávvirvuorkkáide

Stáhta mearalaš dávvirvuorkkát lea stáhtalaš eiseváldi bargogohččosiin doalahit mearalaš kulturárbbi eallin ja dieđihit dan birra.

Mii jođihit golbma dávvirvuorkká mearalaš oaiviliin: Mearradávvirvuorká Karlskronas, Vasadávvirvuorká ja mearráhistorjjálaš dávvirvuorká Stockholmmas. Min rahčamuš lea ahte vuoste váldit gussiid buoremus lági mielde ja mis leat sullii 1,4 miljovnna guossi juohke jagi.

Dávvirvuorkkáin leat valljes dávvirčoakkáldagat, girjerádjosat ja arkiivvat mat fátmmastit máŋggaid sierralágán surggiid mearalaš historjjás, nugo siivila ja militeara mearrajohtolagat, teknihka ja dámparáhkadanbargu. Čoakkáldagaide bohtet fávda ođđa materiála dán áiggi dokumeantašuvnnaid ja publikašuvnnaid bakte. Stuora oassi čoakkáldagain gávdnojit digitálalaš dihtorvuođuin maidda beasat ruovttusiidduid bakte.

Mii ráhkadit bajás dieđuid mearalaš kulturbirrasiid birra. Easka gávnnahuvvon lissat registrerejuvvojit bistevaččat ja dieđut dološ čáhcevuolbázahasaid birra bohtet ovdan Riikaantikvariadoaimmahaga dihtorvuođus Fornsök. Mii fállat maiddái konsultavirggiid mearalaš arkeologiijas, ovdamearkka dihte prošekteren gáttis dehe čázi vuolde.

Eiseváldi bargá olggosguvlui ovddidan ja lasihan dihte dieđuid mearalaš kulturárbbi birra. Earret eará mii hukset fierpmádagaid ja lágidit forumdeaivvademiid sierralágán fáttáid birra. Mii bargat maiddái k-merkemiin dámppain ja dábálaš fatnasiin fuomašandihte kulturhistorjjálaš árvvuid mat gávdnojit iežamet mearalaš kulturárbbis. Mii juohkit maiddái ruđalaš doarjagiid historjjálaš árvvolaš dámppaide.

Mii jođihit ja doarjut dutkama mearalaš arkeologiija, etnologiija ja historjjá birra. Ovttasbargu Stockholmma universitehtain lea mielddisbuktan ahte 2010 álggahuvvo Guovddáš mearalaš dutkama várás ja eiseválddi siskkobealde jođihuvvo earret eará dutkan Vasa birra ja konserverenváttisvuođaid birra mat leat dámppas.

Eiseváldi Stáhta mearalaš dávvirvuorkkát bargá buhtis birrasa ovddas! Mii leat vuosttaš dávvirvuorkkát Skandinávias geat leat birassertifierejuvvon gaskariikkalaš standárdda ISO 14001 mielde.